Një zjarr ka përfshirë një burg në periferi të kryeqytetit Xhakarta, duke lënë të vdekur 41 persona.
Zjarri shpërtheu në orët e para të mëngjesit në burgun e Tangerang, kur shumica e të burgosurve ishin në gjumë. Shumë prej tyre kanë mbetur të plagosur.
Një qark i shkurtër dyshohet të jetë shkaku i zjarrit, por autoritetet thanë se kjo ende nuk ishte konfirmuar dhe do të hetohej më tej.
Në ndërtesë në momentin e zjarrit kanë qenë 15 roje, në ndërtesën, e cila strehonte 2,000 të burgosur – një numër më i lartë se kapaciteti i tij i parashikuar prej 600 personash.
