Peter Szijjarto, ministri i Jashtëm hungarez, ka thënë se David Kostelancik, ushtrues detyre i ambasadorit të SHBA-së në Budapest, është thirrur në ministri për ndërhyrje në punët e brendshme të Hungarisë.
Szijjarto në konferencë shtypi në Budapest theksoi se plani i ambasadës amerikane për financimin e shtëpive mediale në Hungari paraqet “ndërhyrje” në çështjet politike teë vendit.
Ai tha se kanë dërguar disa pyetje Departamentit të Shtetit, duke theksuar se presin përgjigjet e autoriteteve amerikane.
“Vendimi që një vend demokratik nga buxheti i saj të nis financimin e shtëpive mediale në një shtet tjetër aleat dhe demokratik është skajshmërisht e pazakontë dhe befasuese”, ka thënë Szijjarto.
Më tej shtoi se Hungaria nuk ndërhyn në çështjet e brendshme të vendeve tjera dhe se Budapesti nuk do të lejojë vendet tjera të ndërhyjnë në çështjet e brendshme të saj.
“Projekti do të përfundon në janar. Si ta quajmë ndryshe këtë veprim, përpos ndërhyrje në punët e brendshme të Hungarisë dhe të fushatës parazgjedhore në vendin tonë”, ka thënë Szijjarto. /Rtv Islam/