Shumë gjëra që mund t’ju duken të zakonshme, mund të ndikojnë shumë keq në humorin apo në mirëqenien tuaj.
Ja cilat janë disa nga veprimet e përditshmërisë që ju rrisin stresin pa e kuptuar: Zgjimi vonë Nëse zgjoheni vonë do të jeni vonë për punë, nuk do të kosumoni mëngjes dhe nuk do të keni kohën që ju duhet për rutinën e mëngjesit.
Të gjitha këto ndikojnë në rritjen e nivelit të stresit. Qëndrimi shumë kohë para televizorit Nëse mendoni që qëndrimi para televzorit ju relakson, e keni gabim. Kjo gjë shkakton stres, më mirë do të ishte të zgjidhnit të shëtisnit.
Konsumimi i ushqimeve të pa shëndetshme
Nëse mendoni se një mënyrë e mirë për të mposhtur stresin janë ushqimet e shpejta, e keni gabim. Thjesht do të shtoni në peshë dhe stresi do të shtohet edhe më shumë.
Mungesa e aktivitetit fizik
Aktiviteti fizik është mënyra më e mirë për të çliruar stresin. Mund të zgjidhni sportin tuaj të preferuar ose edhe të ushtroheni në palestër.
Mungesa e kohës për t`u kujdesur për veten
Për t`u ndjerë mirë është e rëndësishme të gjeni pak kohë për veten. Të dukeni bukur ju ndihmon edhe të ndiheni mirë shpirtërisht.
Mungesa e gjumit
Çdo njeri ka nevojë për të paktën 7 orë gjumë në ditë, por shumica flenë shumë më pak. Kjo ju bënë të ndiheni të lodhur dhe sjell rritjen e nivelit të stresit./Kosova Post/