Zëdhënësja e Partisë Demokratike, Mirela Karabina deklaroi sot se “koha kur Ilir Meta ushqehej me ‘gjakun’ e demokratëve ka marrë fund”.
Karabina iu përgjigj akuzave të Ilir Metës gjatë punimeve të Konventës Kombëtare të Partisë së Lirisë, i cili u shpreh se “dy kompani izraelite të cilat punonin për Bashën dhe për Ramën, kanë punuar kundër LSI-së në zgjedhje”.
Karabina ndau një video me akuzat e ndërsjella të Metës e Berishës, ku ndër të tjera Meta shprehet se e ka dhënë njëherë dorëheqjen për Shkëlzenin dhe nuk e jep më.
“Ky është Ilir Meta ose Ilir Metaj. Koha kur ai ushqehej me ‘gjakun’ e demokratëve ka marrë fund. Hallet e tij nuk janë dhe nuk do të jenë kurrë hallet e shqiptarëve”, tha Karabina.
Në Konventën e Partisë së Lirisë, Ilir Meta e cilësoi si krim të madh djegien e mandateve nga opozita në vitin 2019.
