Balluku: 50 milionë euro nga KfW për fuqizimin e sektorit energjetik

Mos i humb

Zëvendëskryeministrja Belinda Balluku, njëherësh ministre për Infrastrukturën dhe Energjinë bëri të ditur sot se qeveria po vijon investimet edhe me mbështetjen e institucioneve financiare ndërkombëtare për të fuqizuar sistemin energjetik shqiptar në mënyrë që Shqipëria të kthehet në eksportuese neto brenda vitit 2029.

Në deklaratën për mediet pas mbledhjes së Këshillit të Ministrave, Balluku theksoi se në mbledhjen e sotme u miratua marrëveshja e huasë me KfW prej 50 milionë eurosh për investime në sektorin energjetik.

“Shqipëria është tashmë në rrugë të mbarë, pasi projektet edhe planet janë vendosur në afate për të arritur objektivin tonë për shtimin me 4 Terravat të sasisë së energjisë së prodhuar brenda vitit 2029, duke u bërë kështu një vend eksportues neto”, deklaroi Balluku.

Sipas Ballukut, të gjithë hapat që janë ndërmarrë për fuqizimin e këtij sektori me mbështetjen e KfW-së gjatë 4-vjeçarit të fundit kanë dhënë rezultate.

Po ashtu, zv/kryeministrja informoi se shumë shpejt do të nisë edhe funksionimi i Bursës së Energjisë.

- ISLAMSHOP.CH -spot_img
- ISLAMSHOP.CH -spot_img

Të fundit