Johanes Han ka thënë se ndërtimi i termocentraleve, autostradave dhe urave në gjashtë vende të Ballkanit Perëndimor është duke u financuar me paratë kineze.
Komisioneri i Zgjerimit në BE, Johanes Han ka thënë se ndërtimi i termocentraleve, autostradave dhe urave në gjashtë vende të Ballkanit Perëndimor është duke u financuar me paratë kineze.
Angazhimi ekonomik i Kinës në hapësirën e Ballkanit paraqet shqetësim të madh për Bashkimin Evropian, sipas Han.
Kina tashmë një kohë të gjatë paraqitet si shteti e cila merret vetëm me interesin e saj, ka thënë Han.
“Rasti është ndryshe”, u shpreh ai, duke theksuar se Pekini dëshiron ta krijojë modelin e tij nacional.
Zgjedhja është mes demokracisë evropiane dhe kapitalizmit tregtar, nga njëra anë, dhe diktaturës dhe kapitalizmit të shfrenuar, nga ana tjetër, shtoi ai. Han ka bërë thirrje që BE-ja të gjejë përgjigje adekuate për sfidën nga Kina.
“Do të mund ta analizonim blerjen e kompanive të rëndësishme nga Kina”, tha ai.
Han ka përsëritur qëndrimin se politika e jashtme e BE-së duhet të jetë më e shpejtë dhe e përshtatshme në mënyrë që njëzëri të merren vendime në lidhje me marrëdhëniet e jashtme, me ndihmën e shumicës së votave të anëtarëve. “Ky është një parakusht në nivelin global”, përfundoi ai.
