Dy deputetët e Bundestagut gjerman, Peter Beyer dhe Christian Shmidt, gjatë një konference për media sot në Prishtinë kanë folur edhe rreth idesë për shkëmbimin e territoreve ndërmjet Kosovës dhe Serbisë, si pjesë e një marrëveshjeje të mundshme.
Ata theksuan se diskutimet për shkëmbime territoriale vazhdojnë të jenë të rrezikshme.
Deputeti Shmidt tha se rruga e Kosovës për në BE nuk do të jetë e lehtë me diskutime të tilla.
Beyer dhe Shmidt qysh prej natës së djeshme po qëndrojnë në Kosovë ku janë takuar me dy liderët e partive fituese VV dhe LDK për të diskutuar rreth formimit të qeverisë pas zgjedhjeve të 6 tetorit.
Ndryshe sot, të dy deputetët kërkuan që sa më parë të krijohen institucionet e reja. Deputetët u shprehen se asnjëra parti nuk duhet të bllokojnë njëra-tjetrën, por duhet të gjejnë një zgjidhje të besueshme.
