Presidenti i Turqisë, Recep Tayyip Erdoğan ka uruar kryeministrin e ri të Malajzisë, Mahathir Mohamad.
Sipas informacioneve të marra nga burimet presidenciale thuhet se Erdoğan ka telefonuar ish kryeministrin Mahathir Mohamad, i cili është fitues i zgjedhjeve të përgjithshme në Malajzi.
Erdoğan ka shprehur urimet për fitoren e Mahathir Mohamad në zgjedhje dhe i ka uruar suksese në detyrën e kryeministrit.
Të dy liderët gjatë bisedës kanë theksuar rëndësinë e zhvillimit të mëtejmë të marrëdhënieve dypalëshe mes Turqisë dhe Malajzisë.
