Dëshmitë nga e gjithë bota sugjerojnë që mpiksjet e gjakut kanë qenë një fenomen i zakonshëm tek një numër i madh pacientësh me Covid-19. Ndërsa mjekët në New York City vunë re shenja të trashjes dhe mpiksjes së gjakut në organe të ndryshme të pacientëve me Covid-19, studiuesit nga Franca dëshmuan gjithashtu raste të ngjashme.
Ata vunë re incidenca të larta të mpiksjeve të venave të thella midis pacientëve të prekur rëndë me Covid-19 të pranuar në një spital në Paris. Ata gjithashtu sugjeruan terapi antikoagulante (trajtim me hollues të gjakut) për pacientët me Covid-19 në gjendje kritike. Mpiksjet e gjakut janë një faktor potencial rreziku për dëmtimin e zemrës dhe organeve të tjera. Në fakt, mjekët kanë vërejtur se mpiksja e gjakut në shumë pacientë me Covid-19, ka çuar në dëmtime të zemrës dhe veshkave.
Kujdesi në shtëpi është shumë i rëndësishëm për të gjithë pacientët me Covid-19 pasi të kthehen nga spitali. Kjo gjë është akoma më e rëndësishme për ata që janë prekur rëndë, sepse ata përjetojnë shumë ndërlikime të ndërlidhura si mpiksjen e gjakut etj. Duhet të jeni tepër të kujdesshëm në lidhje me këtë gjendje nëse mjeku juaj ju këshillon të ndërprisni ilaçet e antikoagulimit në shtëpi. Diskutoni me të për përfshirjen e disa holluesve natyralë të gjakut në vaktet tuaja. Këtu janë disa opsione që mund të provoni.
Shafran i Indisë
Kjo erëz tradicionale indiane mund të jetë antikoaguluesi juaj natyral. Ajo vjen me kurkumin, një polifenol që bllokon funksionin e disa enzimave përgjegjëse për mpiksjen e gjakut.
Spec i kuq
Speci i kuq është i ngarkuar me një hollues natyral të gjakut të njohur si salicilate. Disa studime kanë zbuluar se ndihmon në trajtimin e trombozës, një gjendje e karakterizuar nga mpiksje në enën e gjakut. Ndihmon gjithashtu në uljen e niveleve të sheqerit në gjak, lipideve dhe hipertensionit. Cayenne Pepper gjithashtu vjen me veti anti-mbipeshe në disa studime.
Kanellë
Kanella vepron një antikoagulues i fuqishëm. Ajo përdoret edhe në ilaçet e hollimit të gjakut.
Xhenxhefil
Karakteristikat antikoagulante të xhenxhefilit rrjedhin nga një burim i ngjashëm me kajenën: Salicilatin. Studimet sugjerojnë që kjo përbërje mund të çojë në antikoagulim të moderuar dhe të parandalojë çrregullimet e mpiksjes që shkaktojnë komplikime të gjakderdhjes.
Hudhër
Hudhra është gjithashtu një hollues natyral i gjakut dhe shumë efektiv kundër trombozës. Në fakt, ekspertët sugjerojnë që ju mund të merrni hudhër rregullisht nëse vuani nga kjo sëmundje.
