Agjencia e lajmeve Reuters ka publikuar nje video të pazakontë te liqenit Potpecko me titulin: Plehrat permbytin Serbinë. Pamja shokuese u hodh fillimisht në rrjetet sociale e më pas u përhap në të gjithë sitet ambientaliste në Evropë.
“Plehrat janë përhapur deri në horizont duke mbushur gjithë sipërfaqen e liqenit”, kështu e përshkruan agjensia Reuters këtë pamje të pazakontë që ka tronditur opinionin vendas. Banorët e zonës e konsideruan përmbytjen e liqenit nga plehrat një katastrofë mjedisore.
Aktivisti i mjedisit, Sinisa Lakovic, thotë se ndotja plastike ka ndodhur për shkak të depozitimit të plehrave në vendepozitime të paligjshme dhjetravjecare. Disa prej këtyre vendedepozitimeve ndodhen në pjesën e sipërme të liqenit.
Duke qenë se janë male me plehra mbi tokë, ato kanë rrëshkitur në ujë. Tani katastrofa mjedisore rrezikon të shkaktojë dhe një tjetër pasojë të rëndë siç është bllokimi i digës në hidrocentralin e Visegad. Ministrja e Mjedisit e Serbisë, Irena Vujovic, urdhëroi pastrimin e liqenit në mënyrë të menjëherëshme.
