Reshjet e shiut të rëna gjatë natës por edhe në orët e para të ditës së sotme në zonën verilindore të vendit kanë shkaktuar rrëshqitje të dherave në rrugë.
Më problematike situate paraqitet në Kukës, në zonat rurale që lidhen me qytetin.
Rruga nacionale Kukës-Shishtavec sot ishte nën prezencën e rrezikut të rënieve të gurve dhe vërshimit të ujërave. Segmenti më problematik në këtë aks paraqitet nga “Ura e Koloshit”-Shishtavec.
Në shumë pjesë të këtij segmenti ka prani të vazhdueshme të gurëve dhe dherave, çka vështirëson lëvizjen e rrethë 15 mijë banorëve të Njësive Administrative Zapod, Topojan e Shishtavec.
