Senati amerikan miratoi emërimin e kandidatit të presidentit Donald Trump, Mike Pompeo në postin e Sekretarit të Shtetit.
Presidenti amerikan Trump në mars të këtij viti shkarkoi nga detyra Sekretarin e Shtetit Rex Tillerson dhe në vend të tij emëroi shefin e CIA-s Mike Pompeo.
Pas votimit në Senat, Pompeo me 57 vota për dhe 42 kundër u emërua si Sekretari i 70-të i Shtetit.
Përkundër kritikave se Departamenti Amerikan i Shtetit ka patur një rol më “pasiv” në periudhën e Tillersonit, pritet që Pompeo të sjellë një frymë të re në këtë Departament.
Pompeo në janar të vitit 2017 ishte emëruar si shef i CIA-s nga Trump.
