Qeveria amerikane i vendos sanksione të reja Rusisë për shkak të prodhimin të armëve nga ana e kësaj të fundit, deklaroi Departamenti amerikan i Thesarit.
Rreth 200 kompani dhe 80 persona në vende të treta si Kina, Belgjika dhe Sllovakia të cilat dyshohet se mbështesin Rusinë në prokurimin e materialeve për programin e saj të armëve pritet të sanksionohen gjithashtu.
Sanksionet synojnë gjithashtu prodhimin rus të armëve kimike dhe biologjike.
”Veprimet e sotme do të prishin dhe degradojnë më tej përpjekjet luftarake të Rusisë, duke ndikuar në bazën e saj industriale ushtarake dhe rrjetet e përmbushjes që ndihmojnë në furnizimin e saj”, deklaroi sekretarja e Thesarit, Janet Yellen.
Departamenti amerikan i Shtetit akuzoi gjithashtu Moskën për përdorimin e gazrave të ndryshëm irritues gjatë luftës së gjithanshme kundër Ukrainës, e cila shkel Konventën e OKB-së për Armët Kimike.
Tre persona që dyshohet se kanë lidhje me vdekjen e Alexei Navalny u sanksionuan gjithashtu.
Kritiku i Kremlinit vdiq në paraburgimin rus në shkurt.
Navalny, një kundërshtar i vendosur për një kohë të gjatë i Putinit, vdiq në një kamp burgu në Arktik të Siberisë, në muajin shkurt.
