Deputetja e Partisë Demokratike, Jorida Tabaku në analizë të rritjes së vlerësimit për ekonominë shqiptare nga Standard and Poor’s deklaroi sot se ndryshimi nuk shihet në ekonominë e qytetarëve.
Tabaku analizoi në rrjetet sociale disa shifra që lidhen me të ardhurat për frymë në raport me çmimet.
“Qytetarët e shikojnë çdo ditë, në xhepat e tyre. Ndërkohë që çmimet janë një realitet i ri.
Janë rritur me të njëjtat hapa dhe nivele si janë rritur në Bashkimin Evropian, pagat dhe të ardhurat për frymë janë 38% e atyre të Bashkimit Evropian”, u shpreh Tabaku.
“Qeveria propagandoi me të madhe sikur çfarë ka ndodhur me rritjen e vlerësimit të Standard and Poor’s, por në fund të ditës ndryshimin e shihni ju.
E shikojnë qytetarët çdo ditë, në xhepat e tyre. Ndërkohë që çmimet janë një realitet i ri.
Janë rritur me të njëjtat hapa dhe nivele si janë rritur në Bashkimin Evropian, pagat dhe të ardhurat për frymë janë 38% e atyre të Bashkimit Evropian.
Ndërkohë që nga tregu i punës kanë dalë 21 mijë studentë, i kanë hapur vendin 27 mijë pensionistëve dhe ne vazhdojmë të jemi vendi në gjithë Ballkanin Perëndimor; me faturën sociale sa 11% e PBB-së, me faturën më të ulët të pagave 5% të PBB-së por njëkohësisht vendi me varfërinë më të lartë.
Shifrat janë kokëforte! Ky është realiteti jashtë realitetit të propagandës”, deklaroi Jorida Tabaku.
