Kryeprokurori i Shtetit Aleksandër Lumezi ka deklaruar se Prokuroria e Shtetit gjatë vitit të kaluar ka treguar efikasitet të lartë duke zgjidhur mbi 66 mijë lëndë.
Ai në konferencën vjetore të prokurorëve, tha së në vitin 2017 kanë shënuar efikasitet edhe sa i përket ngritjes së aktakuzave dhe përfundimin e tyre me aktvendime dënuese.
Sipas tij, pavarësisht punës që është bërë vitin e kaluar kjo nuk do të thotë se duhet të vetkënaqën pasi organi i akuzës ka sfida të shumta.
Lumezi tha këtë vit pret nga prokurorët zbardhjen e rasteve të vrasjeve të figurave publike para, gjatë dhe pas luftës dhe kryerësit e këtyre veprave të dënohen.
Po ashtu, gjatë këtij viti Lumezi tha se duhet të punojnë në luftën kundër krimit të organizuar, korrupsionit, e tjera.
Lumezi tha se lufta ndaj korrupsionit është sfidë tjetër për prokurorinë. Ai tha se vetëm vitin e kaluar kanë zgjidhur 480 raste të korrupsionit./kosova Post/
